好多人都聽開好多國外DJ嘅歌，亦有夢想過幾時會做到好似佢哋咁出名。但其實身為本地音樂家要衝出國際亦唔係一件難事。
好似本地著名 Artist Yaman, 佢喺上個月29號成功同左外國百大 DJ 旗下嘅一名藝人 Duckworthsound 合作出歌，而聽講佢喺今個月中又會喺外國一個歐洲品牌出國。當小編睇到一個成功嘅例子之後，又開始喺度諗幾時會輪到我呢？
好多本地嘅藝人都想將佢哋花咗好多心機同時間整嘅音樂帶到世界各地，希望每個人都可以欣賞到佢哋嘅才華。依家有Yaman 做咗成功嘅第一位，就變相亦係一個成功例子。
大家可以喺下面聽吓佢最近出呢首歌:
小編亦就着今次機會，訪問左Yaman,叫咗佢分享啲心得俾大家，而佢就則分享:
其實我諗最大嘅緣故可以搵到外國唔同嘅Artists一齊出歌都係靠四個字: "永不放棄"。你可能會見到今次出個係我成功嘅第一步，但係其實背後有幾多次係失敗，比Artists reject，等等各樣野都已經係數唔晒。我諗第二個最重要嘅因素係只要你自己相信自己其實真係唔會做唔到囉。好似我下一首歌咁，會喺呢個月中出，雖然唔係乜嘢頭三世界著名Label,但係呢個Label喺歐洲都有一定嘅名氣，一定嘅粉絲群。我最希望嘅就係所有人都可以比外國嘅Label/ DJ等等常識，可以喺外國度演出，咁樣先係真正推動香港嘅電音（音樂）文化。
Comments